Tuir informasaun ne’ebé www.trmpotimor.com asesu iha pájina Ministériu Justisa, tersa (21/06) katak, iha reuniau daruak entre Ministru Justisa ho Reprezentante UNICEF ne'e, hala’o iha edifisiu Ministériu Justisa diskute kona-ba posibilidade kontinua koopersaun servisu iha Diresaun Rejistu Notariadu nian, liliu ba rejistu bebé foin moris", iha sentru saúde sira.
Tanba selebra akordu entre Ministériu Justisa ho UNICEF ne’ebé hahú husi tinan 2010 to’o agora hodi fó apoiu ba Diresaun Notariadu atubele fó sertifikadu ba labarik sira ne’ebé moris iha Ospitál.
Ho kooperasaun ne’e, sei habelar tan iha Munisípiu hodi bele rejista tan bebé sira ne’ebé moris no hatene estatistika labarik sira ne’ebé moris iha teritóriu tomak.
UNICEF mós iha kompromisu atu apoiu mteriál ba servisu diresaun notáriu hodi bele fó atendimentu ba sidadaun sira iha rai laran, tanba durante ne’e fasilidade antendimentu ne’ebé limita halo funsionáriu ida rua de’it mak bele fó atendimentu. (*)