"Prevé katak Timor iha fulan-janeiru tinan 2022, Timor-Leste submete relatóriu datoluk kona-ba progresu no dezafiu sira kona-ba situasaun Direitu Umanu nian iha pais, iha períodu 2017 to'o 2021”, dehan Fidelis iha Palásiu Governu, kuarta (06/10).
Relatóriu datoluk husi Grupu Traballu Kona-ba Revizaun Periódika Universál ba aplikasaun direitu umanu iha territóriu nasionál aprezenta husi Vise Ministru Justisa (MJ), José Edmundo Caetano ba Konsellu Ministru atu assiste.
Revizaun Periódika Universál ne'e hanesan mekanizmu ida Konsellu Direitu Umanu, ne'ebé estabelese iha tinan 2006 no abranje Estadu- membrus Nasaun Unidas 193.
Tanba Timor-Leste submete mekanizmu avaliasaun ida-ne'e ba datoluk, no Revizaun Periódika Universál Timor-Leste nian ikus hala'o iha fulan-novembru tinan 2016.
Iha siklu ida-idak sei analiza progresu situasaun Direitu Umanu nian iha kada país hahú husi revizaun dahuluk no kada Estadu iha posibilidade atu subliña asaun no medida konkreta sira ne'ebé foti hodi aplika rekomendasaun sira ne'ebé simu iha siklu revizaun anterior nian. (*)