“Dadus jerál ba Timor-Leste tomak, totál kazu konfirmasaun komulativu (sura husi loron 21 fulan-marsu tinan 2020) 1368. Kazu detetatu foun ne’ebé relata iha dia 19 Abril 2021 hanutuk 62 (iha Dili 60, iha no Munisípiu seluk 2)”, dehan Rui liuhusi Zoom Conference, segunda (19/04).

Husi totál kazu detetadu foun ne’e mane 39 no feto 23. Iha asintomátiku 59 (95%), sintomátiku 3.

Totál kazu detetadu foun 43 (69,3%) mak deteta tanba halo teste ho razaun atu halo viajen/ka halo ona viajen ba Munisípiu hafoin deteta pozitivu.

Maske nune’e, sira ne’ebé rezultadu teste pozitivu, sira nia hela fatin iha Dili, no iha duni cluster sira ne’ebé kazu detetadu barak.

Aleinde ne’e, iha mós kazu rekuperadu ne’ebé ralata iha loron 19 fulan-abril 2021 hamutuk 30. Tanba ne’e kazu ativu iha Izolamentu 673.

Haree ba loron 18 to’o 19 fulan-abril tinan 2021, Laboratóriu Nasionál Saúde (LNS) halo 535 testes PCR, ho detalladu mak vijilánsia sentinela 6, rastreiu ba kontaktu (Contact tracing) 102, rastreiu aleatoriu (Random Screening) 179, viajen sai husi serka sanitária Munisípiu Dili 245, viajen internasionál 3, no follow up iha kuarentena laiha kazu.

Ba evolusaun surtu covid-19 iha Timor-Leste sura husi tinan 2020 tuir klasifikasaun transmisaun Organizasaun Saúde Mundial (OMS) mak Munisípiu Díli iha totál komulativu kazu 1162, kazu foun iha oras 24 ikus 60, mate 2, klasifikasaun kazu iha cluster.

Nune’e mós Munisípiu Ainaro totál komulativu kazu 15. Kazu foun iha oras 24 ikus 2, klasifikasaun kazu esporadiku.

Husi evolusaun iha Munisípiu Aileu totál komulativu kazu 4, Munisípiu Bobonaro komulativu 11, Ermera komulativu kazu 40, Lautein komulativu kazu 3, Likisá komulativu kazu 9, Manatuto komulativu kazu 5, Manufahi komulativu kazu 13 no RAEOA totál komulativu kazu 5. Husi Munisípiu hirak ne’e laiha kazu foin iha oras 24 nia laran no klasfikasaun kazu esporadiku.

Nune’e mós, evolusaun iha Munisípiu Baukau ho totál komulativu kazu 40, Covalima komulativu kazu 50, no Vikeke komulativu kazu 11. Maske Munisípiu sira ne’e la rejista kazu foun, maibé ho klasifikasaun kazu iha cluster.

Tanba ne’e, husu ba populasaun sira atu respeita nafatin regra prevensaun Covid-19 ne’ebé fó sai ona husi Ministériu Saúde no OMS. (*)