Ofisiál Programa Promosaun Edukasaun Saúde Munisípiu Baukau, Abrão Pinto hatete, Governu liuhusi Ministéiru da Saúde (MS) implementa ona saneamentu, maibé iha ema barak kestiona bee laiha atu fase liman kada loron.

"Maibé covid mai, ita ko'alia kona-ba fase liman, sira la kestiona bee laiha, sira komesa harii iha uma ida-ida fatin fase liman nian, entaun ne'e covid hanorin ema," dehan Abrão iha kna'ar fatin vila antiga Rea-Mare, kinta (13/01).

Tuir nia, liuhusi fase liman bei-beik ne’e, bele redus moras diarea, Ispa, lumbringa inklui mós ma-nutrisaun, tanba bainhira prepara hahan di'ak, maibé la fase liman kontaminadu ho ambiental la ijeniku, automatika hamosu moras oi-oin.

 "Ispa ita haree númeru tuun oituan, labarik sira inus bee agora menus ona, tanba ne'e husi fase lima toman ona ho ijene," nia akresenta. (*)