Tempotimor (Dili)- Governu liuhusi Konsellu Ministru (KM) iha loron kinta (29/04), deside aplika serka sanitária ba Munisípiu sia iha territóriu tomak.

Munisípiu sira ne’ebé mak tama ba serka sanitária hanesan Ainaro, Baukau, Díli, Ermera, Kovalima, Vikeke, Lautein, Likisá no Manufahi.

Ministru Prezidente Konsellu Ministru (MPKM), Fidélis Mangalhães hatete, rezolusaun ne’ebé Konsellu Ministru aprova hodi hodi renova serka sanitária ba Munisípiu neen.

“Aprova mós projetu Rezolusaun Governu nian ba renovasaun ba impozisaun serka sanitária iha munisípiu Ainaru, Baukau, Dili, Ermera, Kovalima no Vikeke, ba loron 14 tan, to’o tuku 23:59 husi loron 16 fulan-maiu tinan 2021”, esplika Fidélis ina Palásiu Governu, kinta (29/04).

Iha ne’e governu mós deside aplika serka sanitária ba Munisípiu tolu durante loron 14. “Aprova mós impozisaun serka sanitária iha munisípiu Lautém, Likisá, Manufahi, entre tuku 00:00 iha loron 30 fulan-abril tinan 2021 no tuku 23:59 loron 16 fulan-maiu tinan 2021”, deklara nia.

Nune’e, bandu sirkulasaun ema nian entre munisípiu ne’e ho sirkunskrisaun administrativa sira-seluk, exetu iha kazu sira ho fundamentu forte tanba razaun seguransa públika, saúde públika, asisténsia umanitária, manutensaun husi sistema abastesimentu públiku, ka razaun seluk ne’ebé presiza atu hala’o ba interese públiku nian. (*)

Tempotimor(Dili)- Akademista Universidade Nasionál Timor Lorosa'e (UNTL), Júlio Aparicio hatete, Governu nia esforsu ba kombate covid-19 ne'e di'ak, maibé presiza kria kondisaun di'ak ba sidadaun hotu iha situasaun serka sanitária (SS).

Tanba, Serka Sanitaria ne'ebé fulan kotuk Timor-Leste implementa ne'e halo povu terus, liuliu povu ai-leba sira ne'ebé buka moris iha Dili inklui estudante sira.

“Maneira hotu-hotu ne'ebé governu halo ne'e di'ak ona, maibé sira presiza kria sistema ida ne'ebé bele fo garante ba ema hotu no labele halakon povu nia konfiansa ba kombate pandemia covid-19”, dehan Júlio iha kna’ar fatin kampus Lama UNTL, kaikoli, kinta,(29/04).

Tamba durante ne’e, governu seidauk hatudu evidensia ne'ebé forte kona-ba ezistensia covid-19 iha TL.

"Ita Timor realidade, ema mear, isin manas, inus metin ne'e la'ós buat foun ida, tan ne'e governu tenke hatudu kronolojia klaru kona-ba ema moras covid-19, selae povu sei hatoman-an ho informasaun katak covid-19 ne'e bosok”, afirma Júlio.

Governu presiza seriedade intermu buka maneira ida ne'ebé di'ak liu no labele fó impaktu ba ekonomia povu, liliu estudante.(*)

Tempotimor (Díli)- Vise Ministru Interiór (VMI), António Armindo hatete, Polísia Nasional Timor-Leste (PNTL) sei la taka movimentu transporte iha Kapitál Díli, tanba laiha desizaun hodi hapara atividade urijente.

Tempotimor (Dili)- Ai-leba José Pires leba malus sai husi uma Suku Kamea, Postu Administrativu Cristo Rei, hodi fa’an iha Dili laran to’o namlek maibé laiha ema ida mak sosa, tanba situasaun serka sanitária no konfinamentu domisiliáriu obrigatóriu iha Kapitál nasaun.

Tempotimor (Dili)- Governu aplika serka sánitaria no konfinamentu domisiliáriu obrigatóriu iha Munisípiu Dili, komúnidade serka Sala Situasaun Sentru Integradu Jestaun Krizi (SS-SIJK) hodi ejize loke dalan movimentasaun ema nian.

Tempotimor (Dili)-Haree ba númeru kazu ne'ebé kontinua aumenta iha Dili no Baukau, Sala Situasaun-Sentru Integradu Jestaun Krize (SS-SIJK) deside ona hodi halo estensaun ba serka sanitária (SS) iha Dili, possibilidade mós aplika ba Munisípiu Baukau.

Tempotimor (Dili) - Segundu Komandante PNTL Munisípiu Dili, Superintendente Polisia, Euclides da Costa Belo hatete, sidadaun na'in-21 ne’ebé polísia detein hela iha sela polísia Kaikoli iha loron sábadu (13/03) sei submete interrogatóriu dahuluk iha tribunal hafoin entrega ba Ministériu Públiku (MP).

Tempotimor (Dili)- Polísia Nasionál Timor-Leste (PNTL) liuhusi Komandu Munisípiu Dili fó ultimatu bá komúnidade na'in-233 ne'ebé dezobedese ba regra serka sánitaria hodi halo atividade iha fatin publiku, tanba fatin sela detensaun la permite nune'e autoridade sira husik sira fila ba sira ida-idak nia hela fatin.

Tempotimor (Dili)-Haree ba númeru kazu ne'ebé kada loron kontinua aumenta, maka portavoz Sentru Integradu Jestaun Krize (SIJK) Doutór Rui Maria de Araújo katak, atu halo estensaun ba serka sanitária iha Dili, ekipa sala situasaun SIJK sei husu pedidu ba governu tuir aumenta kazu ne'ebé iha.

Tempotimor (Dili) - Diretór Kompaña Timor Food, Jong Fu Yung hatete, sira garante hela Stock fós ba populasaun ho sufisiente durante Serka sanitária iha kapitál nasaun.