Tempotimor (Dili)-Mediadór ba impase politika iha Timor Leste José Ramos Horta la konsege konvense Prezidente Partidu Libertasaun Popular (PLP) Taur Matan Ruak atu mantein iha koligasaun Aliansa Mudansa ba Progresu (AMP).
Tempotimor (Dili)-Prezidente Repúblika Francisco Guterres Lu Olo fó fiar ba Laureadu Nobel da Paz, José Ramos Horta hodi sai mediadór hakotu impase politika ne'ebé Timor Leste hasoru daudauk ne'e.
Tempotimor (Dili) - Dadus iha mundu tomak hatudu ema na'in 45.000 konfirmadu hetan virus Corona. Nune'e, iha Timor-Leste, governu kontinua servisu hamutuk ho Organizasaun Nasoins Unidas (ONU) hodi halo vizilansia.
Tempotimor(Dili)-Laureadu Nobel da Paz José Ramos Horta ne'ebé hetan fiar husi Prezidente Repúblika Francisco Guterres Lu Olo atu sai mediadór hodi hakotu impase politika iha Timor Leste oferese opsaun tolu.
Obsaun dahuluk ne'ebé eis Prezidente Repúblika ne'e iha mak bloku Aliansa Mudansa ba Progresu AMP kontinua eziste.
"AMP kontinua re-organiza, re-estrutura, konforme sira-nia hakarak, mais ne'e parese ke Taur Matan Ruak la interesante ona," dehan Horta hafoin hasoru-malu ho PR Lu Olo iha palasiu prezidensial Bairo-pite, Sesta (14/02).
Opsaun tuir mai, Horta dehan, partidu boot rua, FRETILIN no CNRT, idaidak bele lidera koligasaun foun.
"FRETILIN bele lidera fali kolegasaun foun ida aprezenta ba Prezidente (Repúblika), CNRT bele lidera koligasaun foun ida entrega ba Prezidente, ke garante maioria absoluta iha Parlamentu (Nasionál) par lao ba oin," dehan nia.
Bainhira opsaun rua ne'e la konsege hala'o, Horta iha opsaun ikus ne'ebé bele mós konsidera.
Opsaun ne'e mak presiza kria paktu nasionál ida hodi garante funsionamentu governu to'o ninia mandatu remata.
"Prezidente (Repúblika) i ami hotu hakarak tenke iha paktu nasional ida ke garante governu foun ne'e pelumenus serbisu di'ak to'o 2023," dehan nia.
Error: No articles to display
.