“Entidade estadu (Reprezentante Nasaun) konfirmadu ona mak Prezidente Portugál, Primeiru Ministru balun inklui governadór no membru Governu sira husi nasaun liur”, dehan nia hafoin enkontru ho Prezidente Repúblika Eleitu, José Ramos Horta iha iha rezidénsia ofisiál Faról, tersa (10/5).
Ba preparasaun hirak ne'e, Komisaun Organizadora enkontru ho Prezidente Repúblika eleitu, José Ramos Horta, hodi informa kona-ba preparasaun sira liliu programa komemorativu ne’ebé sei konklui iha loron 18 fulan-maiu 2022.
Tuir ajenda, iha loron 18 maiu sei hahú missa agradesimentu iha Igreja Katedrál Dili, tuku 9 dadér, kontinua iha loron 19 nu’udár pontu kulminante, ne’ebé sei hahu ho atividade iha Tasitolu, tuku 5 loraik.
Aleinde relata mós preprasaun fíziku seluk hanesan palku ba serimónia nian oras ne’e preparativu sira la’o namas no preparasaun sira seluk la’o ona desde fulan rua bá kotuk. (*)