Liuhhusi karta komunikadu ho klasifiasaun urjente ne’ebé www.tempotimor.com asesu husi Arkedioseze Metropolitana Dili husi Sekretáriadu Kamara Eclesiatika katak hato’o hela ba reverendu padre sira, paroku, relijiozus no srani sira hotu.
Husi karta ne’ebé hetan asina husi Chenceler Padre Paulus Maya katak, iha loron tersa, 11 de abril 2023, Amu Arsebispu Dom Virgílio Cardeal do Carmo da Silva, simu ona karta ida husi Prezidente Republika mai husi Casa Civil, husu atu habelar informasaun kona-ba eclipse ka fulan taka metin loron matan ne’ebé sei akontece iha kinta, 20 fulan-abril 2023 ne’e.
Bazeia ba matenek na’in sira internationál no nasionál nia rekomendasaun katak perigu tebes maske uja ka la uja okulu wainhira haree ka hateke ba akontesimentu eklipse ka fulan taka metin loron matan. Ho liafuan seluk husu atu la bele haree wainhira fenomena natureza nian ne'e akontese, tanba ne'e bele halo matan sai delek ka matan at (proibidu atu haree).
“Husu ita hotu nia atentsaun no kompreensaun atu fahe no esplika ha estudante sira hotu no povu sarani sira hotu he di’ak no ho maneira kompreensivel kona-ba fenomena ne'e”, dehan Paulus Maya liuhusi karta komunikadu. (*)