“Ne'e primeiru enkontru semanál ho sua eselénsia Prezidente Repúblika, entaun ami informa ba sua eselénsia Prezidente, tempu badak ami sei ba parlamentu, agora membru Governu balun ba uluk ona, tanba ne'e, tempu badak ami sei ba hodi aprezenta programa hodi hetan aprovasaun ne'e e mais trade promulgasahn husi sua eselénsia Prezidente”, dehan Taur iha Palásiu Prezidensiál Bairopite, kinta (26/05).
Iha lei enkuadramentu jestaun finanseiru anterior Governu lori buat rua de'it, ida mak programa Governu nian, kuandu Governu tama lori uluk programa, programa aprova tiha, tuir mai tina-tinan gGovernu lori de'it orsamentu ba PN.
Maibé, agora lei enkuandramentu jestaun finanseira foun ona, entaun obriga Governu atu lori programa ba aprezenta molok tama orsamentu.
Dadauk ne'e, membru Governu balun ba ona iha Parlamentu Nasionál, no balun sei tuir tán, atubele diskute asuntu ne'e ho PN.
Tanba hanesan públiku hotu hatene, Prezidente Repúblika rasik nia ema ida ne'ebé mak lakohi problema mánutrisaun nomós hamlaha aumenta iha rai laran.
Tanba ne'e, Governu mós intende prioridade ida ne'e, no Governu halo esforsu para informa dadauk atividade sira ne'ebé sira halo hela, mais Governu mós kontinua servisu ho Gabinete Prezidente Repúblika atu halo oinsá bele akomoda idea sira ne'e.
“Ami sei iha membru Governu balun sei mai para informasaun situasaun balun ba Prezidente Repúblika, entaun ida inisiativa sira selu-seluk avansa ba oin, prepara liliu orsmentu ba 2023”, hatete nia. (*)