Diskusaun espesialidade orsamentu retifikativu ne’ebé hala’o iha plenária Parlamentu Nasionál, kuarta (23/08/2023) deputadu sira konsege halo votasaun hodi aprova orsamnetu ba ministériu no ajénsia estadu nia lubuk ida.
Iha diskusaun ne’e, membru Parlamentu Nasional aprova proposta orsamentu retifikativu Ministériu Obras Públika ho votu afavor 50, kontra 0 no abstensaun 13.
Tanba ne’e, proposta orsamentu retifikativu Ministériu Obras Públika (MOP) ne'ebé Parlamentu Nasionál aprova nia montante hamutuk U$138.422.516.
Husi montante U$138.422.516 ne'e sei aloka ba saláriu n vensimentu hamutuk U$5.561.193, bens e serviços U$30.049.123, transferénsia públika U$87.050.000, kapitál nenor U$984.200 no kapitál dezenvolvimentu U$14.778.000. (*)
