“Laiha asuntu seluk relata kona-ba delegasaun Parlamentu nia vizita ba DPRI. Rezultadu vizita mak hanesan ita-boot sira akompaña vizita ba DPR-RI la'o di'ak, DPR-RI simu delegasaun Parlamentu Nasionál di'ak”, dehan PPN Aniceto hafoin finaliza audensia ho PR Horta iha Palásiu Prezidensiál Bairo Pite, sesta (02/09).
Ba vizita ne'ebé delegasaun PN hala'o ba Parlamentu Indonézia ne'e hanesan forma diplomásia parlamentár ida ne'ebé Parlamentu rua ne'e halo atu hametin no apoiu malu iha polítika estadu ninia relativamente kona-ba relasaun bilaterál entre Timor-Leste ho Indonézia.
Ba vizita ne'ebé hala'o husi nível Parlamentu Nasionál Timor-Leste ba Indonézia diferente oituan ne'ebé foin akontese ba dahuluk.
Tanba hanesan públiku tomak hatene durante ne'e só iha de'it vizita deputadu liuhusi grupu amizade parlamentár entre Timor-Leste ho Indonézia.
Maibé vizita nível Parlamentu Nasionál hodi vizita Prezidente Parlamentu Indonézia (Ketua Dewan Perwakilan Rakyat, Republik Indonesia-DPR-RI, Puam Maharani hanesan Prezidente Parlamentu Nasionál ne'e foin akontese dahuluk iha tempu restaurasaun idenpendénsia. (*)