Nune'e mos hala'o servisu la profisional no halo diskriminasaun, tanba autoriza balun tama no balun sira la autoriza.

Tuir observasaun jornalista Tempotimor iha terenu, jornalista husi media imprimi no online balun seguransa sivil autoriza tama ba sala plenaria, maibé balun sira bandu.

Pesoal seguransa sivil hateten, iha ne'e jornalista husi media imprimi no online labele tama atu hasai foto ho telemovel.

Maske nune'e, maibé antes ne'e iha parte dader jornalista husi media imprimi no online balun tama iha sala plenaria hodi hasai foto.

"Ita boot sira ohin tama ne'e, ita boot sira nia sorte mak liu, ami mak hetan ita boot sira la tama", dehan pesoal balun ne'ebé servisu iha Parlamentu Nasionál, Tersa (06/10).

Iha fatin hanesan, pesoal ida ne'ebé servisu iha Parlamentu Nasionál laran esplika, iha sala plenaria regras bandu jornalista sira husi media imprimi no online atu asesu iha sala plenaria.

"Ita boot media imprimi, entaun labele tama atu hasai foto ho telfone, tanba regras mak hanesan ne'e", tenik Nia

Entertantu, media imprimi no online iha Timor-leste dadaun hala'o nia knar hanesan jornalista, maioria mak sei utiliza telefone hodi hasai foto ne'ebé uza ba publiksaun notisia.