Deputadu bankada Fretilin, Joaquin dos Santos hatete, deputadu hala'o debate plenária liuhusi Zoom, sei difikulta deputadu sira laiha sieradade atu debate klean nia efeitu.

"Kona-ba plenária ninian, ha’u laiha opsaun mais kolega balun hanoin atu halo zoom mais ha’u haree efetus laiha. Zoom ne'e ita iha uma de'it signifika seriedade ba debate ne'e la dun di’ak”, dehan nia hafoin partisipa reuniaun entre prezidente komisaun espesializada ho Prezidente Parlamrntu Masionál, Aniceto Longuinhos Guteres Lopes iha PN, kuarta (17/03).

Tanba, sala plenária iha espasu no deputadu sira tur kumpre hela distansia kuaze metru ida resin.

“Desde hahú kedan ita kumpre regra, distansiamentu Sosiál, ida-idak mai iha nia fatin, funsionamentu bele la'o nafatin tanba ita-nia fatin ne'e mais de 1 metru, naran katak ita iha liur kumore regra, labele kaer malu labele kona malu, ne’ebé ha’u hanoin funsionamentu bele la'o ihs segunda-tersa”, afirma nia.

Deputadu bankada PLP, Abel Pires hatuta, atu halo plenária online, ne'e nia parte la dun konkorda oituan tanba haree ba kapasidade difisiensia téknika oituan.

Tanba leptop ne’ebé fahe kapasidade naton, no espesifikasaun menus inklui todan tebes, ne’ebé sei la konsege halo atendimentu liuhusi aplikasaun ZOOM.

Ba kestaun ne'e Prezidente Parlamentu Nasionál (PPN), Aniceto Guteres deside kansela proposta kona-ba debate plenária liuhusi aplikasi ZOOM.(*)