Maibé, iha opsaun rua hodi bele responde ba lei migrasaun no azilu, opsaun ida mak Parlamentu Nasionál bele avansa projetu lei ida ba artigu úniku ne’ebé ho nia estrutura urjente, no opsaun ida seluk mak governu bele hamosu dekretu lei ida bazeia ba rejime imígrasaun.

"Relasiona ho Komisaun B ninian, ne'e ha’u hanoin iha opsaun rua de'it mak los liu, tanba governu hakarak muda lei, husu ita atu muda materia ne'e iha lei mígrasaun no azilu, ne'e ha’u hanoin difisil”, dehan nia iha Parlamentu Nasionál, kuarta (17/03).

Tanba, materia úniku ba lei migrasaun no azilu ne'e PN prontu oferese projetu lei ida maibé governu tenke resposta perguntas PN nian, tanbasá mak hakarak halo lei no nusa mak governu la halo dekretu governu de'it.

"Governu bele dekreta de'it materia ida ne'e haruka ba publikasaun, rezolve, rejime do mígrasaun mos iha baze ba ida ne'e”, afirma nia.

Ne'e duni, governu bele hasai dekretu ida ba artigu úniku hodi haruka ba publikasaun no tau hanesan tranzita atu regula.

"Dekretu lei kuandu promulga ona ne'e lei ona, tanba sa la halo dekretu do governu de'it,” dehan nia.

Maibé, proposta alterasaun ba artigu 10, 11, no 57 husi lei númeru 11/2017 kona-bá Migrasaun no Azílu ne'e, Meza Prezidénsia Parlamentu Nasionál submete ba komisaun A ho B, iha loron 13 fulan-jullu tinan 2020.(*)