Proposta orsamentu rektifikativu ne’ebé PN aprova liuhusi final global, iha loron sesta semana kotuk, mak Komisun C trata asuntu Finansa, presiza finaliza ninia redasaun final, atu nune'e bele haruka diploma ba prezidente PN, hafoin submete ba prezidente republika hodi hetan promulgasaun.
Maibé, redasaun final ne’ebé komisaun C hala'o ne'e, aprova fali iha loron segunda (26/04) tuku 17:00 otl entaun loron tersa (27/4) mak foin haruka ba PR.
"Horseik segunda laiha plenária, tanba presiza fó tempu ba komisaun C atu hala'o redasaun final ba orsamentu jerál estadu, rektifikativu 2021, ida ne’ebé ita aprova iha sesta (23/04), e komisaun C konsege halo hotu to'o tuku 5, e ohin dader, diploma ne'e envia ona ba prezidente repúblika”, prezidente PN ko’alia sai, hafoin le sai ajenda reuniaun plenária iha PN, tersa (27/04).
Diploma ne'ebe parlamentu nasionsl haruka ba PR, sei estudante hafoin hetan promulgasaun ho tempu durante loron 30 nia laran.(*)