“Ba sira ne’ebé vasina kompleta ona (doze daruak) liliu ba ita-nia maluk sira ne'ebé serbisu iha liña frente, ne'ebé serbisu estadu nia, bele sirkula livre no la presiza autorizasaun no swab teste, tanba sira kompleta ona sira-nia vasina”, dehan Ministru Francisco Jerónimo, iha Postu Administrativu Laleia, kinta (17/06).
Ba hirak ne'ebé simu ona vasina dalarua, liliu ba liña frente sira ne'ebé hala'o serbisu estadu nia tenke la'o livre no laiha autorizasaun tanba kumpri ona regra husi protukolu saúde hodi kontribui.
“Vasina ne'e fó ba ema hothotu no la'ós obrigatóriu, maibé hanesan sidadaun atu kontribui tenke vasina, nune'e hasae imunidade ba protesaun husi Covid-19 hodi proteje an husi vírus ne'ebé sai ona pandemia globál ne'e, no ba pesoál liña frente sira sirkula livre tanba sira kontribui no simu vasina dalarua ona”, afirma nia.
Entretantu, pesoál liña frente hosi Postu Administrativu Laleia, ne'ebé simu ona vasina doze dahuluk no prepara atu simu doze daruak hamutuk na'in-31. (*)