"Enkontru ne'e, hahú husi Diretor Jeral, Inspetor, Diretores no Kargu Xefia sira hotu iha MAPKOMS hodi hare liuba progresu hirak ne'ebé maka atinji tiha ona no seidauk atinji iha tinan 2022, sei kontinua hikas bá tinan 2023,"dehan komunikadu imprensa ne'ebe públika iha pajina MAPKOMS, tersa (27/12).
Antes ne'e, Ministériu Asuntu Parlamentar no Komunikasaun Sosiál (MAPKOMS) mós hala'o ona avaliasaun anuál ho funsionariu inklui kargu xefia ba atividade ministériu nian durante iha periode 2022.
Durante iha avaliasaun ne'e, Ministru Asuntu Parlamentar no Komunikasaun Sosiál Francisco Martins da Costa Pereira Jerónimo hato'o agradese ba funsionáriu sira hothotu ne'ebe halo ona esforsu makas hodi atinje progressu servisu liu ninia tarjetu planu anual iha 2022.
"Dala ida tan, agradese ba hothotu ninia kontribuisaun iha 2022, ne'ebe fo konkluzaun makaas ba progressu ita-nian, e iha programa balun ho ita-nia planu anual iha 2022 ne'e balun liu tiha trajetu,"afirma nia iha prosesu avaliasaun anual ba atividade 2022, iha delta nova, kuarta (21/12).
Purtantu iha tinan 2022, Ministeriu Asuntu Parlamentar no komunikasun sosial mos halo ona sasan lubuk ida, hahú husi kada diresaun idaidak nia servisu, maibé atinjimentu ne'ebe la'os at liu no la'os di'ak liu. (*)