Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu ba komunidade munisípiu Manatutu tomak, atu nafatin ativu iha vasinasaun Covid-19 maske dadus hatudu Munisípiu Manatuto atinje ona porsentu 44 (44%).

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu tan kazu Covid-19 foun hamutuk 167, no iha Munisípiu Baukau 20 no totál kazu ativu iha Timor-Leste hamutuk 4.499.

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO) iha Parlamentu Nasionál (PN), António Verdial, konsidera atendimentu husi Ministériu Saúde (MS) ladun iha étika, tanba kaixaun ba matebian Iria Berta dos Santos hatuur de'it iha rai leten.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo dekla, sidadaun na'in-3 mate ho Covid-19 iha sala izolamentu Lahane ho Vera Cruz, no totál óbitu dadaun ne'e sa'e ba 67.

Tempotimor (Dili)-Bankada Congresso Nacional de Reconstrução de Timor (CNRT), Deputada Veneranda Lemos krítika Governu liliu Ministériu Saúde (MS) husik pasiénte infetadu Covid-19 hamutuk 64 iha munisípiu Baukau hela ho foer.

"Sala izolamentu ne'ebé Governu halo iha estadiu Baukau ninian. ema hamutuk 186, depois de halo teste swab ba sira, iha 64 mak pozitivu, maibé kondisaun iha fatin ne'ebá la dignu. Casa de Bainho laiha, ema moris hanesan iha de'it foer nia leten, hahán ne'ebé fó ba sira mós, hahán ne'ebé la di'ak", deklara nia iha plenária Parlamentu Nasionál (PN), tersa (31/08).

Bankada CNRT hetan infornasaun no ida ne'e husi Autoridade Lokál ne'ebé ba observa direta kestaun ida ne'e iha Munisípiu Baukau.

Maibé kestaun seluk ne'ebé CNRT hakarak sita fali tán mak (Lend-Line) ne'ebé mak Governu fó sai katak bainhira ema ruma ne'ebé vasina ona mak hetan sintomas ruma, bele bolu ba (Lend Line) ho númeru 119, maibé realidade (lend lane) ida ne'e la funsiona tanba ema liga ba liga laiha ema ruma mak hatan.

Xefe Bankada PD, Antónino da Conseição "Kalohan", konsidera kondisaun ne'ebé mak Ospital Nasionál Guidu Valadares (HNGV) liliu sala Izolamentu Lahane no Vera Cruz dadauk sei mínimu tebes.

Maibé ho kondisaun ka inkuantidade ida ne'e la siknifika atu difikulta fó asisténsia ba ema moras.

"Atu fahe de'it, esperiénsia ida dehan katak, situasaun ida ne'ebé mak iha Lahane, iha mós Vera Cruz ne'ebá, pratikamente ba situasaun ne'ebé mak gravé los tiha ona", dehan nia.

Husu ba sidadaun hothotu ninia apoiu, atu nune'e bele hakma'an mós alstramentu ka kontajiu husi Covid-19, hodi bele salva ema husi moras ida ne'e.

Hatan ba kestaun ne'e Prezidente Parlamentu Nasionál (PN), Aniceto Longuinhos Guterres Lopes hatete, kestaun hirak ne'ebé koloka husi deputadu sira liliu kona-bá kestaun Covid-19 no fronteira, meza sei haruka ba Governu atu toma konsiderasaun. (*)

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, iha pasiénte Covid-19 na'in-27 Gravé iha ospitalizasaun Vera Cruz no Lahane.

Tempotimor (Dili)-Sentru Integradu Jestaun ba Krize (SIJK) rejistu tan timoroan mate ho Covid19 hamutuk na'in-3 no kazu ativu iha 4.554.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun iha loron 28 fulan-agustu tinan 2021 hamutuk 276 no mate na'in-1.

"Kazu detetatu foun ne’ebé relata ohin, loron 28 Agostu 2021 na'in-276 (iha Dili 197, Baukau 30, Covalima 10 ho munisípiu seluk hamutuk 39) mane 146, feto 130.Totál óbitu na'in-1", dehan nia liuhusi komunikadu imprensa, sábadu (28/08).

Husi totál kazu detetadu foun hirak ho idade tinan 20 na'in-50 (18%) ho idade entre tinan 12-59 na'in-217 (78,6%) ho idade 60 na'in-9, 1123 kazu ka 44,5% mak sintomátiku (hatudu sintomas), 102 (37%) iha ona vasina kompletu 49 (18%) hetan ona vasina doze dahuluk, kazu rekuperadu 125, kazu ativu 4.523 no totál kazu konfirmadu kumulativu iha 28 Agostu 2021 (sura husi 21 Marsu 2020) hamutuk 16.236.

Entretantu óbitu ne’ebé relata iha loron 28 fulan-agustu na'in-1 (ida), ho detalle hanesan feto ho idade tinan 76, Timoroan, hela iha Dili seidauk vasina iha 28 Agostu 2021diagnóstikadu iha Emerjénsia HNGV ho sindroma insufisiénsia respiratória aguda (SIRA).

Matebian iis-kotu iha madrugada 03h03 tanba respiratoric failure/parajen respiratória. Rezultadu PCR hafoin iis-kotu CT:22,8. Família rejeita atu hala’o funeral tuir protokolu ne’ebé adopta iha Timor-Leste.

Hahú husi loron 27 to’o 28 Agostu, hamutuk hotu Laboratóriu Nasionál Saúde (LNS) halo 655 testes PCR iha Dili ho detalla hanesan Vijilánsia sentinela 82, Rastreiu ba kontaktu (Contact tracing) 308, Rastreiu Aleatóriu (Random Screening) 145, Viajen sai husi serka sanitária munisípiu Dili 94, Viajen internasionál 1 no follow up iha kuarentena 25.

Rezultadu teste PCR ne’ebé halo iha loron 27 Agostu iha munisípiu sira seluk REAOA HNGV hamutuk 367 ho detalle hanesan Baukau 151, Ermera 6, Maliana 51, Maubisse 26, RAEOA 15, Covalima-Suai 38, Vikeké 8, Lautein-Lospalos 4 no HNGV 68. (*)

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, pasiénte Covid-19 na'in-23 gravé iha sala izolamentu Vera Cruz no Lahane.

Tempotimor (Díli)-Diretora Servisu Saúde Munisípiu Díli (SSMD), Agostinha de Jesus Segurado hatete, postu Saúde Munisípiu sira iha munisípiu Dili garante pesoál saúde sufisiente hodi atende pasiénte sira, no fó vasina ba sidadaun sira iha Konfinamentu Domisiliáriu Jerál.