"Iha tinan 1975 ita hahú hari’i FALINTIL, no ita ho forsa hamutuk rihun-3-resin, Wainhira funu hotu ema na’in-94 mak fila no barak mate, lakon ita la hatene oras ne'e iha ne’ebé, entaun ba Frente Armada, Klandestina no Diplomatika, loron ne'e importante tebes ba ita”, PM Taur deklara iha Uaibitai foho matebian hun, Postu Kelikai, Munisípiu Baukau, sábadu (21/08).
Tanba ne’e, hakara fó parabéns ba Timoroan tomak ne’ebé selebra loron importante ba dala-46.
“Ha'u hakarak parabeniza timoroan tomak, tanba iha fulan-Agostu espesial tebes ba ita, tanba iha loron 20 Agustu ita komemora loron FALINTIL ba dala-46", dehan nia.
Timoroan hotu hatene katak FALINTIL hanesan liman kro'at ne’ebé parseiru ho populasaun sira funu hasoru militar Indonézia durante tinan 24 nia laran.
"Ita sei la'o to iha ne'eba, dala ruma ita sei la hasoru malu, entaun antisipadamente ha'u hakarak parabeniza populasaun tomak ba loron espesial ida ne'e”, hatete nia. (*)