Tempotimor (Dili)-Ministru Finansas, Rui Augusto Gomes informa, ezekusaun Orsamentu Jerál Estadu (OJE) 2021 ba Ministériu Solidaridade Sosiál no Inkluzaun (MSSI) foin mak atinje pursentu sia (9%) husi orsamentu alokadu millaun $19,9.

Tempotimor (Dili)-Polísia Nasional Timor-Leste (PNTL) liuhusi Komandu Munisípiu Dili hamutuk ho ekipa saúde PNTL, Ministériu Saúde (MS) kontinua sensibilizasaun informasaun vasina ba membru sira atubele partisipa iha programa nasionál vasina.

Tempotimor (Dili)-Federasaun Basket Ball Timor-Leste (FNB-TL) kria eventu nasionál Taxa Primeira Dama ba kampionatu feto sira, hodi komtiribui promove família saudavel.

Tempotimor (Dili)-Diretór Ezekutivu Ajénsia Nasionál Avaliasaun Akreditasaun Akademika (ANAAA), Edmundo Viegas hatete, sira sei avalia akretidatasaun programatiku ba kursu hamutuk 22 husi instituisaun superiór públiku no privadu hitu (7).

Tempotimor (Dili)-Bankada Kmanek Haburas Unidade Nasionál Timor Oan (KHUNTO) iha Parlamentu Nasionál (PN) sente preokupa ho komunidade sira iha Aldeia Loko-Loko, Suku Matahoi, Postu administrativu, Uatukarbau, Munisípiu Vikeké ne’ebé seidauk asesu ba lina eletrisidade.

Tempotimor (Dili)-Deputadu Bankada Partidu Libertasaun (PLP), iha Parlamentu Nasionál (PN), Abel Pires, defende kandidatura ba membru Falintil-Forsa Defeza Timor-Leste (F-FDTL) ne’ebé la kuiñese Prezidente Repúblika (PR), Fransciso Guterres ‘Lú Olo’ ho Primeiru Ministru (PM), Taur matan Ruak.

“Informasaun ida ne'e ha’u rona husi ita-nia ekipa ne'ebé halo selesaun ba membru F-FDTL foun, ne'e ha’u hanoin ita preokupa teb-tebes, liliu tanba ha’u hatene katak ne'e la'ós ita-nia oan sira-nia sala, ida ne'e sistema ita-nia estadu mak faila halo preparasaun ba sira”, dehan nia iha plenariu Parlamentu Nasionál (PN), segunda (5/7).

Nu’udar membru Grupu Joven Parlamentar Timor-Leste (GJPTL), sente preokupa ho realidade ne'e, tanba agora maioria joven idade hanesan estudante, laiha kuiñesimentu ba figura sira nomós lahatene kanta Hino Nasionál, inklui lahatene istória luta libertasaun Timor-Leste nian.

Ho ida ne’e Governu presiza prepara kondisaun ne’ebé di’ak ba estudante sira, tanba maioria eskola sira iha rai laran balun kondisaun ladun preparadu.

Husu mós atu kria kondisaun no nesesidade hirak ne'ebe kada eskola hahu husi eskola primeria, to'o sekundaria jerál presiza atubele asesu.

Hatan ba kestaun ne'e, Sekretáriu Estadu Komunikasaun Sosiál (SEKomS), Mericio Akara hatete, kestaun no preokupasaun ne'ebé deputadu sira levanta, governu rejista ona sei enkamina ba ministériu relavante atubele fó responde ho informasaun ne'ebé klaru ba deputadu sira.

“Restu hanesan babain ami sei transmite, espera bele hetan informasaun klaru liu nomós bele hetan resposta pur eskrita ka bele liliu intervensaun ne'ebé mak ita-boot sira depois bele fiskaliza”, dehan nia. (*)

Tempotimor (Dili)-Sekretériu Estadu Ambiental (SEA) liuhusi Ajénsia Lisensiamentu Ambiental kria komisaun avaliasaum impaktu ambientál ba projetu reabilitasaun melloramentu ateru Tibar no projetu otél Hilton iha Dili.

Tempotimor (Díli)-Sekretáriu Estadu Kooperativa (SEKoop), Elizario Ferreira, klarifika folin karosa ida ho montante US$1,500.00, ne’ebé prodúz husi mekanika timoroan iha Sentru Formasaun Tékniku Dom Bosco Comoro.

Tempotimor (Dili)-Taxa Ezekusaun Reál Orsamentu Jerál Estadu (OJE) 2021esklui kompromisu no obrigasaun sira, to’o iha trimestre daruak atinje millaun US$540,7  ho pursentu (%) 27 husi totál orsamentu alokadu billaun US$2,1.

Maibé taxa ezekusaun ba programa boa governasaun no Jestaun Institusionál atu sustenta mákina Estadu, ezekuta ona millaun US$164,2  (36%) husi orsamentu alokadu millaun $456,7.

“Enkuantu taxa ezekusaun reál ba kategória programa esensiál entidade sira nian foin mak ezekuta millaun US$376,4 ka (24%) husi orsamentu alokadu billaun US$1,5”, informa Ministru Finansas, Rui Augusto Gomes, liuhusi komunikadu, segunda (05/07).

Maibé ritmu ezekusaun ne’e konsidera ki’ik tebes tanba daudaun ne’e tama ona iha trimestre datoluk. Situasaun ne’e kauza husi evolusaun surtu Covid-19 ne’ebé obriga Governu tenke impoin serka sanitária no konfinamentu obrigatóriu liuliu iha Kapitál Díli ne’ebé mak sai hanesan sentru ba movimentu sirkulasaun ema no sasán inklui atividade sosiu-ekonómiku.

Tanba elementu xave ida husi OJE 2021 mak oinsá Timor-Leste rekupera filafali ninia ekonomia ne’ebé iha tinan haat nia laran enfrenta resesaun tolu. “Rekuperasaun ida-ne’e seidauk akontese tuir ita-nia planu tanbá ita hahú tinan ida-ne’e ho moras Covid-19 no kalamidade públiku. Ita hein katak iha tinan 2022 sei laiha tan surpreza negativu seluk, atu nune’e ita bele hahú rekupera ho transformasaun setór ekonómiku produtivu sira hanesan Agrikultura no Turizmu, Abitasaun, Kapitál Umanu (Edukasaun, Saúde, Protesaun Sosiál), no Reforma Institusionál”, hatete nia.

Tanba foku iha setór produtivu hirak ne’e, bele kria empregu ida ne’ebé dignu hodi fó benefísiu ba família no komunidade sira.

Taxa ezekusaun reál kada kategória despeza aas liu mak saláriu no vensimentu 42%, tuir kedan ho transferénsia públika 41%, bens no servisus 20% no kapitál menor 4%.

Enkuantu Kapitál Dezenvolvimentu, kategória importante ida ne’ebé bele fó kampu traballu no jere empregu rai-laran foin mak ezekuta de’it 6%.

Tuir projesaun, taxa ezekusaun ne’e sei kontinua sa’e iha fulan-neen ikus ne’e tanba iha períodu ne’e mak projetu infraestrutura sira komesa ezekuta.

To’o iha fulan-Maiu tinan 2021, Komisaun Nasionál Aprovizionamentu realiza ona konkursu aprovizionamentu projetu hamutuk 107 ho totál orsamentu millaun US$565,4. Projetu sira ne’e maioria ninia prosesu aprovizionamentu hahú ona no balun iha ona faze finalidade ne’ebé tuir kalendáriu sei konklui iha tinan ne’e nia laran.

Aleinde ne’e, Fundu Espesiál Covid-19 ne’ebé mak kria iha tinan kotuk atu responde ba pandemia, to’o iha 30 juñu 2021, nia ezekusaun reál atinje ona millaun US$73,4 (26%) husi totál orsamentu alokadu millaun US$287,6. Persentajen ne’e sei iha mudansa iha períodu ne’e tanba hafoin MF halo verifikasaun, Ministériu Ensinu Superior, Siénsia no Kultura (MESSK) konkorda atu halo alterasaun Memorandu Entendimentu (MoU) ho Instituisaun Ensinu Superiór sira kona-ba propinas ba estudante sira no kompleta rekezitu ba Operadór Telekomunikasaun sira kona-ba subsídiu internet hodi submete filafali mai MF iha tempu badak nia laran.

Iha OJE 2021, Governu hahú implementa Orsamentu pur Programa ho forma kompletu hanesan tranzisaun ida husi Orsamentu pur item ne’ebé mak implementa ne’ebé atu asegura servisu públiku ida ne’ebé prudente ho rasiosinu sosiu-ekonómiku hodi asegura rezultadu reál husi ezekusaun, la’ós persentajen ezekusaun de’it.

Maibé dezempeñu ezekusaun OJE 2021 fahe ba kategória rua hanesan Programa Boa Governasaun no Jestaun Institusionál ho orsamentu alokadu hamutuk millaun US$456,7.

Nune’e mós kategória Programa Esensiál Entidade sira nian ho orsamentu alokadu billaun US$1,573.6. Totál orsamentu retifikativu finál alokadu ba programa kategoria rua ne’e mak billaun US$2,030.3. (*)

Tempotimor (Dili)-Observadór Polítika husi Universidade Nasionál Timor-Lorosa'e (UNTL), Camílio Ximenes de Almeida, prefere sidadaun Timor-Leste ne’ebé kandidata-an ba Prezidnete Repúbliku (PR) presiza hatene polítika interna no externa nasaun ninia.