Tempotimor (Díli)-Fundasaun Mahein (FM) rekomenda Governu Timor-Leste (TL) liuhusi Ministériu Negósiu Estranjeiru no Kooperasaun tenke fortifika liña koordenasaun interministeriál no intensifika asaun koletiva iha prosesu adezaun Timor-Leste (TL) ba Association of Southeast Asian Nations (ASEAN).

Tempotimor (Dili)-Ministériu Interior (MI) liuhusi Diretór Jerál Servisu Migrasaun (SM), Superintendente Asistente, Luis Barreto, rejeita akuzasaun husi Fundasaun Mahein (FM) ne’ebé deklara MInisteriu Interior liliu Vise Ministru Interior politiza nomeasaun adidu seguransa ba rai liur.

Tempotimor (Dili) - Timor-Leste daudaun ne'e sai fatin tránzitu ba droga, nune'e iha balun konsege Polisia Nasionál Timor-Leste halo kapturasaun no daudaun ne'e iha hela prosesu investigasaun.

Tempotimor (Dili) – Fundasaun Mahein (FM), deteta osan hamutuk US$ 4,230.00, lakon iha Fronteira Bobometo Oe-Cusse.

"Monitorizasaun FM nian identifika Postu Fronteira Bobometo Oe-Cuse, orsamento ka taxa lakon la hatama ba banku husi fulan Jullu to'o Agusto 2019 nian, ho montante US$ 4,230.00. Deskonfia, pesoál servisu migrasaun utiliza ba nesesidade privadu," dehan  Koordenadór peskiza, Sancho Xavier iha Edifisiu Fundasaun Mahein, Fomentu I, Tersa (17/09/19).

FM mós husu ba ministériu relevante atu halo investigasaun ne'ebé kle'an ba átu refere. "Fundasaun Mahein, husu atu halo transferensia ne'e halo uluk investigasaun ida profundu ba pesoál sira ne'ebé deskonfia komete iregularidade antes atu halo transferensia," Sancho dehan.

Entretantu Diretor Ezekutivu Interino Fundasaun Mahein, Joao Almeida katak, investigasaun halo didi'ak atu hatene iregularidade ne'e sese mak Inklui iha laran.

"Bainhira la halo investigasaun mak halo de'it transferensia tomak, ne'e prejudika tebes ba funsionamentu regular servisu imigrasaun nian," Joao Almeida informa.

Tuir Almeida, bainhira halo transferensia tomak de'it, ne'e signifika investe foun fali. “Tanba servisu imigrasaun nian ne'e, komplexu liga ho aplikasaun lei imigrasaun ninian,” nia hatete.