Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jeneral Lere Anan Timur hatete, sosiedade sivil bainhira ko’alia sukat liafuan, tanba Jose Luis Oliveira (JLO) ne’ebé ofende komandu instituisaun F-FDTL hadau poder hodi públika iha mídia Sosiál (MedSos) facebook.

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jeneral Lere Anan Timur hatete, nia parte sei konsulta ho veteranu sira liliu Komandante Em Chefe Kay Rala Xanana Gusmão, bainhira kandidata-an ba prezidente repúblika iha eleisaun prezidensiál tinan 2022.

Maske seidauk iha desizaun, maibé hanesan segundu jerasaun úniku deside sei halo konsultasaun uluk hafoin deside, tanba kandidata-an ba prezidente laiha problema iha nasaun demokrátika.

“Mas ha'u seidauk kandidata-an, ha'u seidauk. Hanesan ohin ha'u dehan katak, ha'u repeta tan dala-ida, ha'u iha ha'u-nia maun, ami ne'ebé mai husi ai-laran, ami nu'udár maun-alin ami sei konsulta malu, liliu ha'u-nia maun Xanana, e ha'u mós uluk membru komite sentral Fretilin. Sobrevivente úniku, segunda jerasaun úniku mak ha'u, ha'u mak ne'e, ha'u sei moris, sé kandidata karik, ha'u sei ba konsulta”, dehan Tenente Jenerál, Lere Anan Timur, iha Fatuhada, segunda (28/06).

Maibé to’o agora Lere rasik seidauk ko’alia sai atu kandidata-an, tanba sei assume hela kargu iha Falintil-Forsa Defeza TImo-Leste (F-FDTL).

“Ha'u pelumenus até agora ha'u seidauk pronúnsia ha'u atu kandidata ba prezidente, tanba ha'u sei militár. Ema seluk mak atu kandidata, ema seluk mak dehan ba ida ne'e, mais ha'u ko’alia bebeik ona, ha'u iha ha'u-nia maun, iha ha'u-nia aman, ne'ebé ha'u mós rona sira. Iha ha'u-nia maluk sira ne'ebé ami hamutuk mai husi ai-laran, ami sei konsulta malu, depois kandidata ka la’e kandidata ne'e, ha'u hanoin katak problema laiha, purke demokrásia”, dehan nia.

Maske partidu Kmanek Haburas Unidade Naaional Timoroan (KHUNTO) deside ona Armanda Berta doa Santos atu kandidata-an ba Prezidente Repúblika (PR) di’aik, tanba feto barak mak hakarak la'o tuir.

“Agora, sé mak atu kandidata ba prezidente mós, tenke ó nia dignidade, ó nia onra ne'e, tenke iha. Ha'u atu debate fali ho feto fali mós ha'u moe, dala-ruma moe. Dala-ruma imi nian feto mak loos hotu”, dehan Lere. (*)

Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jeneral Lere Anan Timur kriminaliza sidadaun ne’ebé sunu bandeira nasaun Portugal, tanba soberanu nasaun ida nia, maibé komandu Polísia Nasionál Timor-Leste (PNTL) promote sei kaptura autór.