"Kona-ba buru kasa, ha’u horisehik horibainruak, rona informasaun, ha'u hala'o atividade partidu ninia, ami halo konsolidasaun iha ne'ebá, ema barak mai hasoru ha'u ema ko'alia, buru kasa ninia ne'e sigaru masu ida, folin ida agora US$2, ida US$1.25 ne'e sa'e ba US$2, entaun buru kasar ne'e sira-nia saláriu nene US$1.50, ne'e la halo buat ida”, dehan nia iha plenária PN, segunda (17/01).
Tanba sidadaun sira ne’ebé servisu hanesan buru kasa, kada fulan simu saláriu US$150, ne'e la sufisiénte atu uza ba sira-nia nesesidade bázika nomós la to'o atu sosa tabáku.
"Ita deputadu, ita dehan ita kaer osan mós sei la to'o, apalagi sira ne’ebé buru kasar osan US$1.50”, hatete nia.
Husu ba Governu atubele aumenta buru kasar ninia saláriu iha tempu besik mai, nune'e sira bele augenta moris.
Ba preokupasaun ne'e, bankada KHUNTO hakarak ko’alia no hatutan ba Governu, maibé atu implementa ka la'e, ida ne'e depende ba governante sira mak hatene.
"Mais tuir ha’u-nia hanoin, buat rua ne'e esensiál, saláriu ba profesór sira nomós ba buru kasa, e buru kasa ninia saláriu agora US$1.50 dolar ne'e ha’u hanoin la to'o, ema sira ne'e mak terus teb-tebes señor ministru”, afirma nia.
Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, kestaun ne’ebé Governu la konsege fó resposta, ida ne'e Governu sei toma nota hodi haruka ba ministériu relevante atubele fó resposta ho maneira imprime ba deputadu sira.
"Ha’u hanoin sira seluk ne’ebé ami la fó resposta, ami toma nota hotu ona iha ne'e, ha’u sei lori ba haruka filafali ba ha’u-nia kolega sira ne’ebé mak hola konta ba área ne'e atu fó resposta imprime mai iha Parlamentu Nasionál”, hatete nia. (*)