Tuir informasaun ne’ebé www.tempotimor.com, asesu iha portal Governu, kuarta (23/08/2023) katak, Projetu Proposta Lei ba alterasaun dahuluk husi Lei n. 15/2022, loron 21 fulan-dezembru, Orsamentu Jerál Estadu ba tinan 2023, no Lei n. 2/2022, loron 10 fulan-fevereiru, Enkuadramentu ba Orsamentu Jerál Estadu no jestaun finanseira públika, no alterasaun daruak husi Lei n. 8/2008, loron 30 fulan-juñu, Lei Tributária ne’ebé Governu entrega ona ba Parlamentu Nasionál, iha loron 10 fulan-agostu liubá.

Iha Orsamnetu Retifikativu ne’e, prevee katak, diskusaun no votasaun iha jeneralidade ba proposta lei ne’e, iha Plenáriu, hala’o iha loron 22 fulan-agostu no hetan aprovasaun iha loron refere.

Ba diskusaun no votasaun iha espesialidade sei hala’o iha loron 23 no 24 fulan-agostu no votasaun finál globál prevee ona ba loron 25 fulan-agostu.

Nune’e mós preparasaun redasaun finál ba Proposta Lei ne’e, hodi haruka ba Prezidente Repúblika atu halo promulgasaun iha loron 29 fulan-agostu. (*)