"Prosesu rai Markoni hela de'it loron hira ba sobu, rai Markoni ne'e fo prazu 10 dias besik hotu ona, e hotu ba sobu, prazu 30 dias ne'e notifikasaun husi Sekretariadu Estadu Terras no Propriedade, e 10 dias ne'e husi despaixu Ministru ne'ebé anula despaisu sira anterior no despaisu Ministru nian boot liu, tanba iha baze legal ne'ebé forte," dehan Ministru Justisa (MJ), Tiago Amaral Sarmento iha Parlamentu Nasional, kinta (13/10).
Tuir loloos, Ministériu Justisa iha kompeténsia halo enbargo ba rai markoni, maibé tanba hakarak aprende lei hamutuk ho entidade hotu entaun deside fo de'it tempu ho prazu loron 10.
Tanba, rai Markoni ne'e estadu la'os rai privadu, no rai ne'e rasik perténse ba domíniu roda viáriu nian, nune'e mos sukat husi tasi metru 50 ba leten ne'e estadu nian, no kualker sé de'it sei laiha diretu.
"Depois iha ne'ebá ne'e domíniu públiku estadu nian ne'ebé la kleur tán MJ nia diresaun Gabinete Inspesaun Auditória hamutuk ho parte seguransa ne'ebé bele ba sobu," nia afirma
Purtantu rai Markoni rasik mos to'o agora Ministériu Justisa seidauk simu dokumentu no sertifikadu ruma husi tempu indonézia no tempu portugez nian ne'ebe determina katak, rai ne'e rai privadu, tanba ne'e sei laiha ema ida iha diretu atu deklara rai ne'e rai privadu. (*)