“Sim ida filafali kona-ba moru, moru da ne'ebé agora dadauk iha ne'e Indonézia nian ne'ebé aat hotu ona monu hotu ona, kuandu ami eskola sai tiha animal sira mak mai toba hein fali eskola, iha dadersan ensinu bázika sira hamoos, loraik mós ami tenke hamoos, tanba kondisaun moru mak laiha, se bele husu Governu iha planu atu halo moru karik hato'o mós ami-nia”, dehan Koordenadór Helio ba jornalista www.tempotimor.com iha nia kna’ar fatin Eskola Filiál Vemasse, tersa (15/03).

Alende ne'e, Koordenadór Eskola ne'e husu ba Ministériu Edukasaun Juventude no Desportu (MEJD) atu fasilita Ensinu Sekundaria Jerál Filiál Vemasse atu sai hamriik mesak iha Vemase.

“Ami rekomeda ba nível nasionál mak ami hakarak, eskola ne'e ami hakarak hamri’ik mesak, sai hanesan sentru ida, kada tinan ezame nasionál iha ami-nia eskola maibé atu asina ne'e mak legaliza kona-ba seidauk ida, entaun ami husu ba Governu sentrál liliu Ministériu Edukasaun hodi haree ida ne'e”, afirma nia.

Tanba eskola ne'e hari’i kleur ona bele hamriik mesak ona, atu nune'e iha nia Diretór no nia adjuntu eskola rasik.

Tuir observasaun ne'ebé www.tempotimor.com nota iha terrenu, moru protesaun eskola refere la asegura ona, tanba monu hotu ona animal sira mak nakonu ona aredór eskola refere.

Dadaun ne'e estudante sira ne'ebé mak hala'o nia estudu iha ensinu Sekundaria Jerál Filiál Vemasse hamutuk 300-resin. (*)