Tuir informasaun ne’ebé www.tempotimor.com, asesu iha pájina Mídia UNTL, segunda (21/08/2023) katak, estudante na’in-rua, mak hanesan Febya Alexandra Olije Cham no Tonia Boavida da Silva.
Ba atividade ne’e, Dosente DSA, Luis Tavares hatete, atividade ne'e organiza husi UGM nia Faculdade de Saúde Animal. Nune’e, DSA halo selesaun ba estudante hodi partisipa.
“Objetivu husi atividade, atu bele halo estudu interkámbiu hodi fahe esperiénsia ne'ebé estudante iha, atu hasa'e tan sira-nia koñesimentu. Ha'u espera iha tinan oin bele aumenta tan estudante hodi partisipa iha atividade ida-ne'e”, dehan Luis.
Entretantu estudante DSA, Tonia Boavida da silva hatete, liuhusi atividade refere sira aprende buat barak hanesan koñesimentu iha Networking, Inovasaun no Kultura durante semana rua, semana ida prátika no semana ida teoria.
“Liuhusi atividade ne'e ami aprende buat barak, hanesan koñesimentu iha Networking, Inovasaun husi dosente sira husi nasaun iha parte Azia nian, tanba ne'e husu ba universidade bele halo komunikasaun no kooperasaun di'ak hodi habelar liután UNTL ba nasaun sira seluk iha parte Azia nian”, dehan Tonia. (*)
