ne'ebé mak oferese husi Servisu Edukasaun Munisípiu Baukau, kondisaun la favorável ba estudante no profesores sira husi Ensinu rekorente Baukau.
"Uma ida ne'e edukasaun fó ona ba ensinu rekorente ami iha ne'e, fasilita ita-nia joven sira ne'ebé mak putus sekolah, so ke kondisaun eskola ne'e mak la favorese duni”, dehan Hipolito, iha nia kna’ar fatin, Baukau, sesta (10/12).
Dadaun ne'e kondisaun edifísiu refere fondasaun hahú fruzin, no triplek ne'ebé mak uza ba didin komesa dodok fó ameasa ba estudante no profesór sira-nia vida.
Tanba ne'e husu ba MEJD liuhusi seksaun Ensinu rekorente nian atu tau atensaun ba problema ne'e, tanba edifísiu refere labele garante ona ba tinan barak, maibé posibilidade tinan-2 mai tan sei monu.
"Ami husu Govérnu halo uma labele halo uma hanesan cobehaus tenke oferese ho dignu hanesan ho eskola sira seluk”, afirma nia.
Enkuantu edifísiu refere kompostu husi uma-5 ho andar, maibé eskola rekorente sira uza de'it sala-3, sala ida sai armajen hodi tau ekipamentu, hanesan livru ba estudante sira, no uza sala-2 ba estudante tuir prosesu aprendizajen, enkuantu sala balun abandona no balun hetan estraga husi udan anin.
"Iha kraik ne'e odamatan a'at hotu ona la utiliza ona”, informa nia.
Diretór Servisu Edukasaun Munisípal Baukau, Augusto Ornai Ximenes hatete, uma cobihouse refere entrega husi IV Govérnu Konstituisionál liuhusi MEJD iha tinan-2012, atu uza ba fatin formasaun, maibé la utiliza nune'e eskola komersiu hamutuk ho ensiñu rekorente sira uza lesuk, maibé dadaun ne'e kondisaun la favorável ona.
“Kuaze labele uza ona, tanba kleur tiha ona, 2021 to'o agora tinan-10 ona laiha manutensaun, soke sala ida rua mak razoavel ne'e mak ita uza hela”, dehan nia.
Tuir lolós kada tinan iha orsamentu husi Diresaun Nasionál Ensiñu Rekorente MEJD nian atu halo reabilitasaun, maibé durante tinan-3 estrutura sesante la funsiona, tanba ne'e kondisaun to'o gráve.
"Espera katak tinan oin estrutura foun ne'ebé ita instala ona ne'e bele aproveita iha inisiu do anu ne'e halo kedas pedidu orsamentu ne'e ba para bele halo manutensaun”, hatete nia.
Enkuantu estrutura ne'ebé mak durante tinan-3 la funsiona iha Sentru Komunitáriu Aprendizajen ba Kreativu Baukau hodi hapara akividade, tanba estrutura sestante hili husi komunidade. (*)