“Ha'u bele hatete ba Governu labele pániku demais ba mina ne'ebé la mai ita halo nusa iha mós identifika ona produsaun sira ne'ebé rai laran”, hatete Arsenio ba jornalista iha Kampu PNTL Munisípiu Lautein, domingu (27/03).
Bainhira Governu tau ona importánsia sira agrikultór sira sei halo reflorestasaun nú ba futuru nian, atubele garante produsaun mina iha futuru.
“Oinsá mak refolresta siknifika katak ita bele kuda nú foun sira ne'ebé mak iha idade boot ona no oinsá para ita atu kuda ba futuru tanba hodi nune'e ita kuda komesa agora ba oin para nune'e futuru mai ita produz mina, tanba ita-nia beiala sira ne'e uza mina nú de'it hodi sona ba hán maibé ita la hatene katak bimoli ne'e lori moras ba ita, tanba kolestrol ne'e mai husi mina bimoli maibé ita uza ita nia naturál ne'e”, afirma nia.
Ba kuantidade mina-sona iha Timor-Leste la garante maibé kona-ba kualidade produz mina iha kualidade ne'ebé di'ak.
“Ha'u fiar katak di'ak tanba ne'e ita seidauk kompete kuantidade maibé kualidade ne'e ita garante tanba mai husi lokál rasik laiha kímiku ruma mak kahur entaun ha'u fiar katak sei la lori moras ruma mai ita ba lokál sira”, deklara nia.
Antes ne'e, Prezidente Komérsiu Kámara Industria (CCI-TL), Oscar Lima hatete, fulan ida ka rua oin mai tan mina-sona sei la tama tan iha Timor tanba laiha autorizasaun iha ema nia rain.
“Ida fali tan mina goreng ne'e ha'u hanoin fila ida rua tan bele falta iha Merkadu, tanba laiha autorizasaun husi ema nia rain atu mai Timor tanba ema mós laiha entaun ne'e afeita”, hatete nia.
Maibé bele ko'alia hi Embaixada Indonézia, Tailándia no Malázia buka meius oinsá atu kontinua bele importa maske ho folin ne'ebé sa'e.
“Mais ita sei tenta Indonézia, Malázia ho sira seluk buka halo nusá para sasán bele tama mai, bele karik oituan maibé iha para ida tenke hán”, afirma nia.
Tanba ne’e, la importa mina-sona mai iha Timor-Leste ne'e iha fatór barak, tanba provizoriamente kompaña iha Indonézia la halo produsaun tanba situasaun pandemia Covid-19.
Maibé Souru Coconut Oil, husu Governu atu tau prioridade ba produtu Timor-Leste atu asegura ekonomia iha Timor-Leste. (*)
