“Ha'u hakarak fó hatene de'it katak, Diretór ida ohin ko'alia kona-ba programa ho proposta ne'e mai husi rádiu komunidade ne'e laiha, proposta ho programa ne'e mai husi sira no orsamentu sira mai, ami hein ezekuta de'it, ba Diretór nia aprezentasaun ne'e la'ós”, dehan Jestor Rádiu Lomunidade Lospalos, Nasimentu Provensia, iha salaun ANC, Kaikoli, tersa (05/04).

Tanba orsamentu sira ne'e deside liuhusi diresaun nasionál promosaun dezenvolvimentu media lokál (DNPDML) iha Sekretáriu Estadu Komunikasaun Sosial (SEKOMS) sira mak haruka halo proposta.

“Sira mak dehan ami hatama de'it proposta, la'ós ami mak halo proposta, ami rejeita diretór nia liafuan ida dehan proposta hothotu rádiu komunidade mak halo ne'e la loos, planu no orsamentu ne'e sira mak tau”, esplika nia.

Maske iha kontratu hakerek Rádiu Komunidade sira atu apoiu informasaun ka notísia ba mídia ajénsia TATOLI no RTTL maibé jestór sira rejista, tanba sira mídia Estadu.

“Iha kontratu laran mensiona ona hanesan ne'e, maibé ami sei la halo notísia ba ajensia TATOLI, tanba TATOLI ne'e estadu nian, ami rádiu komunidade sei la fó tan notísia tanba TATOLI nia ema destakadu iha”, dehan nia.

Durante iha tinan hira nia laran notísia ba TATOLI iha maibé sira la halo, rádiu komunidade Lospalos mak la halo duni.

“Matadalan ba rádiu komunidade ne'e iha nanis ona, la hatene tanba saida mak produz tan matadalan ida ne'e”, afirma nia. (*)