“Naturalmente orsida diskute iha Parlamentu, ita-boot sira sei akompaña, tanba ne'e ha’u lakohi ba permenores ida ne'e. Horseik entrega tiha ona ba PN, kuandu iha diskusaun ita-boot sira sei hatene kle'an liután kona-ba razaun sira, objetivu saida, ne'e ita-boot sira hatene”, dehan Taur hafoin enkontru ho Prezidente Repúblika, Francisco Guterres ‘Lú Olo’ iha Palásiu Prezidensiál, Bairopite, kinta (28/04).
Maibé priposta retifikativu ida ne'e, naturalmente governu avansa ho karakter urjensia ba parlamentu nasional atu debate ho aprovasaun tanba publiku hotu hatene dadaun ne'e nesesidade barak loos mak presiza atu solusiona.
Taur fó ezemplu dadaun iha nesesidade importante hanesan presu sasán, no folin mina, sé Governu la tau matan mak transporte públiku sei halo greve, tanba ne'e tenke fó atensaun lalais ba ida ne'e.
Ba orsmentu retifikativu billaun ida resin ho Orsamentu Jerál Estadu (OJE) 2022 billaun 2 ne'e bainhira la ezekuta hotu mak prátikamente sei haruka fila ba kofre estadu.
“Ita kuandu la ezekuta hotu, ba fali kofre estadu, ne'e prátika ida tinan-tinan hanesan ne'e”, afirma Taur. (*)