“Tanba saida mak Governu hanoin presiza tau fundu ketak ba relijiaun ida-idak, ami mós tau fundu ba relijiaun protestante ba mós maluk sira husi Ildu nune'e mós ba Musulmanu tanba Timor-Leste ita hotu nian, hothotu tenke hetan benifisiu husi apoiu Governu nian. Espera katak apoiu ida ne'e sei kontinua tanba ita iha ona utilizasaun fundu ne'e ba atividade di'ak lubuk ida”, dehan nia iha selebrasaun loron idul fitri iha Masjid Anuur, Kampu Alor, segunda (020/5).
Ba apoiu ida ne'e sai hanesan vontade ida ne'ebé Governu Timor-Leste estabelese atu fó apoiu, tanba iha nasaun ida kuandu hakarak iha sidadaun di'ak tenke sai uluk relijiozu ne'ebé di'ak.
"Relijiozu ne'ebe di'ak mak relijiozo ne'ebé hatene tuir doutrina husi relijiaun ninian, maibé atu hetan doutrina ne'ebé di'ak ne'e presiza fasilidade, meiu nomós presiza doutirna sira ne'ebé bele asesivel”, esplika nia.
Tanba ezemplu agora dadauk komunidade musulmanu sira aleinde simu festeza loron manán musulmanu nian durante loron naruk halo jejun, maibé husu atu nafatin mantein doutrina di'ak sira.
Tanba iha mundu tomak, musulmanu ne'e ida de'it, maibé haree ba nasaun ne'e, Timor-Leste mós iha nasaun ketak ida, no iha ninia musulmanu rasik, tanba ne'e Governu espera katak kualidade musulmanu Timor-Leste nian sei labele iha diferente fali ho rai sira selseluk ninian.
“Ha'u husu katak ho apoiu sira ne'ebé ami fó atu traduz medida sira kona-ba solat ka doutrina ninian sira ne'ebé ami fó, bele fó informasaun di’ak ba ita-nia musulmanu sira liliu ita-nia oan sira aban bainrua sai futuru musulmanu Timor-Leste ne'ebé iha kualidade”, dehan nia. (*)