Projetu Dekretu-Lei, ne’e aprezenta husi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos.
Pagamantu ne’e sei hanaran Subsídiu Fim do Ano, no ho valór dolár amerikanu 200 ba uma-kain ida-idak. Ho medida ida ne’e, hakarak atu fó apoiu ekonómiku ba família sira.
“Relasiona ho apoiu pontuál ba uma-kain sira. Objetivu husi
Dekretu-Lei ida-ne’e atu kria no atu regula prestasaun ba pagamentu pontuál ida ba uma-kain timoroan sira nian”, dehan Ministru Prezidensia Konsellu Ministru, Fidelis Manuel Leite Magalhães, iha Palásiu Governo, sesta (06/05).
Ba uma-kain sira ne’ebé bele simu apoiu ida-ne’e mak uma-kain sira ne’ebé rejista ona iha livru rejistu uma-kain, iha suku ida-idak, to’o loron 28 fulan- fevereiru tinan 2022. (*)