“Diploma ne’e estabelese obrigatoriedade atu sosa husi administrasaun direta no indireta Estadu nian, pelumenus, 75% husi sasán ne’ebé prodúz iha Timor-Leste, iha ámbitu operasaun kontratasaun públika kona-ba ai-hán ba konsumu ema nian”, dehan Ministru Prezidensia Konsellu Ministru, Fidelis Manuel Leite Magalhães, iha Palásiu Governu, segunda (16/05).

Ba medida hirak ne’e mak, husi sorin ida, atu garante katak uma-ka’in sira ne’ebé mak ekonómikamente no sosialmente mukit tebes sei la lakon asesu ba ai-hán, rezultadu husi aumentu siknifikativu iha ninia presu.

Ho forma ne’e Estadu propoin atu ezekuta konjuntu medidas ne’ebé aumenta konfiansa ba operadór ekonómika sira, liliu ba agrikultór sira, atu aumenta produsaun nasionál ba produtu agríkola sira. (*)