"Iha dadus ne'e husi Janeiru to'o Maiu (tinan 2022), ita hatama osan ba kaixa jerál estadu nian ho montante US$9.425," dehan Diretór DTP Baukau, Raimundo de Jesus iha kna'ar fatin vila nova Baukau, kinta (02/06).
Iha fulan-janeiru hetan reseitas US$1.163, feveriru US$5.258, marsu US$868, abríl US$883, no maiu nian iha reseitas US$1.253.
"Selu ne'e, fulan balun tun, balun sa'e, tanba ita depende ba ita nia arrendatáriu mai selu ne'e, balun selun fulan-2 dala ida, balun fulan-3 dala ida, entaun nia montante lahanesan," nia informa
Uma ne'ebé pertese ba estadu iha Munísipiu Baukau, liu-liu iha Postu Administrativu Baukau Vila hamutuk rihun ida resin mak, DTP halo ona rejistu, atu kada fulan selu taxa ba estadu.
"Ida selu ne'e pur-volta pursentu 25, maioria seidauk selu, ne'ebé iha tempu badak nia laran sei notifika sira atu halo kontratu tenke selu, sé la selu mak sei hasai sira husi fatin ne'ebé sira hela ba ne'e," nia argumenta
Enkuantu Postu Administrativu Baguia, Laga, Kelikai, Venilale no Vemase, DTP seidauk bele kobre, tanba laiha transposte. (*)