Tuir informasaun ne’ebé www.tempotimor.com asesu iha pájina AIFAESA, segunda (13/06) katak, ekipa inspetór sira hala'o fiskalizasaun ba dokumentu sira iha inspesaun anteriór nia ba estabelesimentu indústria Bee hemu husi kompaña Cool no Supermerkadu W-Four, ekipa kontinua kedas kontrolu iha Leader Hypermarket Komoro, Postu Administrativu Dom-Aleixo, hodi inspesiona no fiskaliza dokument no produtu sira.
Liuhusi observasaun Téknika Divizaun Informasaun Públika nian, atividade ne'e la rezulta indikasaun kona-ba irregularidade sira no konsidera estabelesimentu refere kumpremetidu ba regulamentu sira ne'ebé regulariza atividade negósiu nian.
Enkuantu, ekipa ba atividade operasaun ne’e rasik kompostu husi inspetór Departament Operasaun nomós Departamentu Metrolójia no Padronizasaun. (*)