Iha abertura ba workshop ne'e SEKOOP Elizariu Ferreira husu ba direitor Jerál no nasionál sira hotu katak tenke aprezenta planu Anual hodi deskute ba tinan 2023 nian.

“Ita mós tenke halo diskusaun ida iha nível SEKOOP nian hahú husi diretór sira atu halo planu de atividade husi diretór sira-nian, submete ba iha DNPP atu sai asaun planu anual ida ne’ebé reprezenta SEKOOP hodi aprezenta ba Konsellu Ministru hodi bele aprova dezagregasaun orsamentu ba Sekretária Estadu Kooperativa nomós ba Ministériu sira seluk”, dehan nia iha Salaun Escravas da Santíssima Eucaristia e da Mãe de Deus (ESEMD), Tibar, Likisá, kuarta (15/06),

Tanba ne’e, Diretór sira reuniaun ho xefe departamentu sira nomós funsionáriu sira ne’ebé potensiál atubele identifika atividade ne’ebé mak presiza atu realiza.

“Atividade formasaun monitorizasaun, akompañamentu formasaun no saida maka atubele halo liu”, informa nia.

Alende ne’e, Diretór Nasionál Planementu husi Ministériu Finansas, Luisa Fraga, iha Workshop ida ne’e molok kria programa Diretór sira tenke tur hamutuk hodi ko’alia planu sira.

“Tenke hatene planu no Planementu serbisu nian, no presiza tau ideia hamutuk husi diretór no durasaun hotu no hamosu kreativu hanoin foin bele sai planu ida”, hatete nia.

Bainhira iha planu presiza tuir hamutuk entre funsionáriu no Diretór sira maibé funsionáriu sira tur akompaña, tanba seidauk iha oportunidade, hodi ko’alia kona-ba planu orsamentu ba Estadu.

Haree ba planu sira ne'e mai husi dokumentu sira, planu rekoperasaun ekonomia SEKOOP nian planu estratéjia tinan lima nian no sai matan dalan hodi hala’o planu.

Tanba planu ne’e hanesan piramida hodi halo tuir, no husi piramida ida ne'e deside ba longu prazu, no tenke hatene longu privadu médiu no kuartu prazu, planu asaun anual. (*)