Tuir informasaun ne’ebe www.tempotimor.com asesu iha pájina Sekretáriu Estadu Kooperativa, kuarta (22/06) katak, iha ámbitu Sensibilizasaun ne’e marka mós prezensa husi Sekretáriu Estadu Kooperativa SEKOOP, Elizário Ferreira, fó parabéns ba estudante no dosente sira tanba bele organiza estudante atu hari’i Kooperativa.

“Hau fó parabéns tanba dosente sira iha inisiativa bele organiza estudante sira atu hari’i Cooperativa iha Fakuldade Agrikultura UNTL”, dehan SEKOOP, Elizário Ferreira.

Ba formasaun ne'e fasilita husi Diresaun Nasionál Edukasaun, Formasaun no Informasaun, iha salaun FHM, Lanud, Bairro Pite, Díli, durante loron haat nia laran husi loron 20 to'o 24 fulan-Juñu 2022.

Ba inisiativa atu hari’i Kooperativa iha Fakuldade refere ne'e, mosu bainhira dosente sira hala'o peskiza iha baze hetan imformasaun barak husi komunidade kona-ba Kooperativas nian.

Prezensa iha seremónia ne'e mak hanesan, Diretór Jerál Promosaun Dezenvolvimentu Kooperativas, Frabcisco Xavier, Diretora Nasionál Edukasaun, Formasaun no Informasaun, Jacinta dos Santos, Diretór Nasionál Dezenvolvimento Kooperativa Finanseiru, Reinaldo Borges, nomós formadór inklui desente sira. (*)