Tuir informasaun ne’ebé www.tempotimor.com asesu iha pájina MOP, kuarta (29/06) katak, Preziente ANAS.IP ne’ebé lidera ekipa konjunta ba prezervasaun bee iha kapitál Dili halo aprezenta rezultadu peskiza ba Ministru Abel ho Vise-MOP Nicolau.
ANAS.IP ho ekipa konjunta halo aprezentasaun kona-ba survey ne'ebé hala'o iha mota Benamauk-Bekora mota ulun no Bekussi, inklui Ailok-Laran mota ulun no mota ulun seluk iha kapitál Dili hodi halo prezervasaun udan-been iha mota ulun sira.
Tuir planu, ekipa konjunta sei aprezenta progresu iha semana rua tuir mai ba Ministru Abel no Vise Ministru Lino.
Iha aprezentasaun ne'e, Ministru Abel agradese no husu ba Prezidente ANAS.IP ho ekipa atu kontinua halo peskiza iha mota ulun sira iha kapitál Dili nian para halo prezervasaun bee liuhusi programa retensaun udan-been iha mota sira, tanba programa ne'e hanesan programa dahuluk ne'ébe halo husi ANAS.IP servisu hamutuk ho Ministériu Obras Públika. (*)