“Kona-ba ponte Dilor mak sei semana ida tan tanba dezeñu urjentemente ami prepara tiha ona mais hanesan ita-nia prosesu iha sistema presiza verifikasaun husi ADN (Ajensia Dezenvolvimentu Nasionál), e ami antisipa katak semana ida ka rua ADN verifika hotu obra ne’ebá ne'e obra emerjénsia sei ezekuta iha fulan ida-ne’e”, dehan nia ba jornalista sira iha Palásiu Governu, kuarta (29/06).

Tanba dadaun ne’e, MOP prepara ona materiál pezadu haat ka lima mak iha ponte refere hodi halo normalizasaun ba mota ne’ebé mak antes ne'e sobu ponte Dilor ne’e rasik.

“Agora dadaun iha mákina haat ka lima mak iha ne’ebá ita-boot sira (jornalista) bele ba verifika nomós bele haree iha pájina Facebook IJE sira update hela iha ne’ebá obra la’o hel”, haktuir nia.

Alende kona-ba ponte Welolo dadaun ne’e parte husi MOP rasik mós halo intervensaun oinsá atu halo normalizasaun ba mota no kontratu ona Kompaña atu halo konstrusaun ba ponte ne’e rasik.

“Welolo agora tékniku sira agora halo intervensaun hela agora dadaun ita uza intervensaun husi IGE (Institutu Gestaun Ekipamentu) ida parte leten mais ida parte kraik iha projetu emerjénsia ida ba halo normalizasaun mota ne’e kompaña iha tiha ona sira asina ona kontratu agora sira hala'o obra hela”, informa nia. (*)