"Traballadór rihun ida resin, tanba benefísiu povu rasik mak partisipante iha ne'e," dehan iha kna'ar fatin Postu Vemase, segunda (08/08).
Nune'e, autoridade Postu Vemase prepara atividade 64 ba PMOPA, maibé ba faze dahuluk sei implementa atividade 32 ho grupu 20-resin, kada grupu ida sei involve ema na'in 20 kompostu husi traballadór na'in-19 inklui xefe ékipa na'in-ida, tanba orsamentu ba PMOPA Postu Vemase hetan US$137.00,33 no ezekuta uluk pursentu 50 hodi aprezenta ona relatóriu ba faze dahuluk nian, depois ezekuta tán pursentu 50 ba faze daruak nian.
"Atividade mak hanesan hamos dalan, hadi'a dalan ki'ik sira ne'ebé iha Suku laran no hamos iha Postu Administrativu nian iha suku 7 ho Aldeia 22," afirma nia
Tuir mata dalan PMOPA nian, hahú husi fulan-jullu to'o fulan-novembru tinan-2022 fulan-dezembru remata ona entrega relatóriu finál ba Prezidente Autoridade Munisípal.
Kada loron traballadór ida sei hetan osan US$5.00, xefe ékipa hetan US$7.00 kada loron, tuir mata dalan PMOPA durasaun ba kada grupu ida loron 20, maibé autoridade postu ho meius seluk fó durasaun tempu servisu ba grupu sei la to'o loron 20, tanba komunidade barak hakarak servisu, tanba ne'e sei halo rotativamente ba servisu.
Enkuantu Postu Vemase iha Suku 7, hanesan Suku Kaikua, Loilubu, Ossouala, Ostiku, Uaigae, Uatolari inklui Vemase ho totál populasaun hamutuk 14.306. (*)