Tuir informasaun ne’ebé www.tempotimor.com, asesu iha pájina MOP, sábadu (13/08) katak, akordu ne’e hakarak hametin relasaun ho instituisaun Universidade Nasionál, estadu nian rasik atu oinsá kria kondisaun ba instituisaun importante.
“Ida-ne’e bele apoiu Ministériu Obras Públikas, ne’ebé ohin rasik ha’u koordena ona ho Magnífiku reitór para kinta semana oin ne’e ami ba vizita Fakuldade Enjinñria para haree rasik kondisaun iha ne’eba para depois identifika posibilidade servisu hamutuk di’ak liután entre instituisaun rua ne’e tanba instituisaun ne’e ita-nian, estadu nian, nasaun nian ita hakarak hametin kooperasaun”, hatete Ministru Obras Públikas.
Ho MoU (Memorandum of Understanding) ne’e selebra ba dala rua ona, uluk halo ona mais ne’e ba treinamentu ba lingua nian, kursu Portugués, no BTL ne’e kona-ba peskiza kualidade bee, mais tuir mai sei iha tan kona-ba protesaun no prezervasaun bee-moos, iha posibilidade barak kona-ba aplikasaun teknolojia ne’ebé bele aplika atu ajuda ministériu bele halo servisu di’ak liután.
Akordu kooperasaun ne’e hanesan meus ida hodi hametin liután relasaun entre MOP, BTL.EP ho UNTL hanesan instituisaun estadu nian hodi apoiu iha área infraestrutura. (*)