"Nu'udar autoridade iha ne'e sente preokupa tebes, tanba ezijénsia komunidade nian liga ba luron ne'e, tanba transporte mós la halo movimentu depois husi sorin mós labele tama", dehan nia ba www.tempotimor.com iha Salaun Atsabe Vila, Munisípiu Ermera, Sabadu (24/02).
Estrada husi Atsabe mai Munisípiu Ermera kondisaun grave ne'e difikulta tebes komunidade sira atu lori produtu asesu ba merkadu iha vila.
Dadaun ligasaun estrada husi Postu Administrativu Atsabe ba Suku Atara liga ba Bobonaru kotu totál, nune'e komunidade sira obrigadu tenke la'o ain.
Nune'e husu ba parte nasionál liuliu obras públiku aranja materiál pezadu sira atu reabilita hodi komunidade sira bele la'o ba mai.
"Se bele husi nasionál lori eskavatór mai atu hadi’a, maibé kondisaun ida agora aat iha ne'ebá ne'e hadi’a de'it liman labele", nia husu. (*)