Reprezentante Xina iha Timor Leste Xiewei Geng hatete, planu atu apoiu hamenus dezempregu iha TL ne'e sei hala'o liu husi emprezariu boot sira, liu-liu kompaña Elegent Marble Galerry Co,Ltd.
Nia dehan, empreza ne'e iha kapasidade ne'ebé boot ba esplorasaun.
"Ami-nia esperansa hakarak serbisu hamutuk ho Timor par bele loke vaga serbisu ba timor-oan", dehan Xiewei iha edifisiu ministériu finansas, Aitarak Laran, Sesta (14/02).
Nia hatutan, empreza EMG Co,Ltd sei bolu mós emprezariu Xina sira seluk hodi ajuda investe iha Timor Leste no dezenvolve rekursu importante sira iha TL.
Ho investimentu hirak ne'e, nia hatete, sei loke oportunidade negosiu no bele hamenus dezempregu iha Timor Leste.