Likisa : Estadu Emerjénsia Tenke Reponde ho Apoia Umanitária

Prezidente Autoridade Municipiu Likisa Prezidente Autoridade Municipiu Likisa Foto Suplai

Tempotimor (Dili) - Estadu Emerjénsia nu'udar meiu ida ne'ebé Estadu halo hodi evita surtu Coronavirus Disease 2019 (Covid-19), maibé desvatajen husi polítika ne'e maka rendimentu populasaun nian menus hodi sustenta vida loron-loron.

Prezidente Autoridade Munisípiu Likisá, Domingos dos Santos da Conceição hateten, bainhira implementa Estadu Emerjénsia presiza mós hetan atensaun husi Governu, liuliu ba sira ne'ebé moris vulneravel.

 

VIDEO PUBLISIDADE APELU HUSI PM TAUR APLAUS BA FRONT LINE

 

"Hasai osan ne'e tenke liuhusi sistema ida ne'ebé bele kontrola. See foos sufisiénte hela atribui daudauk ba ita-nia povu para família ida bele hetan saku ida ka rua, bele redús sira-nia preokupasaun," dehan nia.

Tuir nia, seidauk iha ema ruma mate tanba hamlaha, maibé iha populasaun balun maka hamlaha daudaun ona tanba laiha rendimentu atu sosa hahán.

Nia esplika, distánsia sosiál importante atu evita surtu moras Covid-19, maibé iha parte ida maka povu labele halo movimentu hodi buka osan sustenta sira-nia moris. (*)

 

  

Rate this item
(0 votes)
Last modified on Saturday, 09 May 2020 14:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.