"2019 ita nia orsamentu normal, ita hakarak aselera nafatin agrikultura ne'ebé prioridade liu ba hahan sira ne'ebé mak bele faan hanesan hare, batar no hortikultura sira ne'e. La haluhan mós ba área seluk hanesan pekuária, peskas nomós florestas", dehan ministru agrikultura Joaquim Jose Gusmão iha Timor Plaza haloin halo lansamentu ba loja agrikultura, kinta (06/06/2019)
Ministru ne'e dehan parte irigasaun mós sai preokupasaun boot ida, tanba iha tinan rua nia laran ita laiha manutensaun ba buat sira ne'e, tanba ne'e agora halo hela identifikasaun ba irigasaun sira boot ne'ebé kobre ba área kultiva boot atu halo manutensaun.
"Agora dadaun ne'e identifika ona área irigasaun boot hanesan Maliana 1 no Maliana 2, Karau Ulun, Oebaba, Webui, Kono, diresau boot sira ne'e ita tau atensaun máximu para aumenta kultiva iha ne'ebá", tenik Joaquin.