“Ha’u-nia suku ne’e iha uma-kain 66 mak la asesu ba iha liña eletrisidade, sira labele asesu ba eletrisidade tanba dook husi liña eletrisidade ne’e mak labele asesu, maibé ha’u sei esforsu-an atu nune’e sira bele asesu hotu ba”, dehan Xefe suku Laisorolai de baixo Julio Farkhus Pinto, liuhusi telefone, segunda(17/05)
Maske nune’e, halo ona levantamento nomós proposta ba EDTL , maibé to’o agora seidauk hetan informasaun.
Tanba ne’e, sujere ba parte relevante sira atu tau atensaun ba problema sira ne’ebe komunidade hasoru iha baze, liliu iha suku Laisorolai de Baixo ne’ebé la asesu eletrisidade.
“Ha’u nu’udar reprezentantivu no aspirativu povu nian, nafatin hato’o ba governante atu tau atensaun ba infraestrutura bázika hodi nune’e hakmaan netik nesesidade povu nian iha pais demokrátiku ne’e”, afirma nia.
Iha Suku Laisorolai de Baixo, Posto Administrativ Kelikai iha aldeia haat hanesan Aldeia Dara-Oma, Aldeia Lego, Aldeia Sauacassa no Aldeia Ulusoru ho totál populasaun 1.886. (*)