“Ami iha interese boot ida ba setor turizmu iha Timor – Leste, no industria turizmu iha Timor – Leste ne’e nu’udar industria ida moos tebes, no ami mós loke ona kampu sevisu barak,” hatete Tony bainhira partisipa iha seremónia Kafé Dader ne’ebé organiza hosi Ministru Koordenadór ba Assuntu Ekonómiku Interinu atual Ministru ba Reforma Legislativa no Assuntu Parlamentar, Fidelis Manuel Leite Magalhães ho estrutura Kamara Komersiu no Indutria Timor – Leste iha Suai Room, Timor – Plaza, Comoro, Dili Sesta (02/08).   

Nia mós fiar katak, durante ne’e governu mós hamenus osan ba iha setor turizmu, maibé nia sei kontente bainhira hare governu tau osan barak liutan ba iha turizmu.

“Turizmu ne’e la’ós mosu mai iha fulan ida – rua nia laran de’it, maibé ne’e persija tempu iha tinan 5 – 10 oin mai. Tanba ne’e mak ami tenke hahu investe agora,” nia esplika. 

Nia mós rekoñese katak governu durante ne’e mós halo ona progresu positivu barak hanesan oras ne’e fasil tebes atu ba Baukau, Maubise (Ainaro), no Suai (Kovalima). 

“Maibé problema ki’ik ida ne’ebé ami hare no hetan mak governu ladun fó antensaun ba dezenvolvimentu fatin turizmu sira. Ijemplu foin lalais ami ba iha Flexa (Maubise), nain ba Guest House sira reklama ba ami katak sira hasoru difikuldade kona – bá kanalizasaun bee moos. Ida ne’e simples tebes. Bainhira ami iha Guest House ne’e hodi uja Toilet, maibé laiha bee moos,” nia haktuir hikas sira nia viajen ba Maubise foin lalais. 

Nia hatutan, dezenvolvimentu iha setor báziku sira mós importante tebes ba governu, no la’ós de’it konsentra ba iha infraestrutura boot sira, maibé balansu (igualdade) iha infraestrutura mós importante tebes. 

Iha parte seluk, tuir jovens sira ne'ebe ba pasiar iha iha area kristu rei no area branka susar ba so'e foer fatin fasilidades sira barak maka a'at no heto'ok a'at liu tan haris fatin no sintina la iha be'e nune'e fo'er nakonu e dois.

"Ami kuandu kabun moras tenke fila ba uma no atu so'e be'e de'it entaun naran hamriik helik iha ai kafe laran ne'eba," dehan Agus, joven ida husi Dili ne'ebe pasiar hela ho ninia maluk balun.

Entretantu, politika governu atual ne’ebé hakarak atu alkansa meta sira iha área turizmu mak aumenta númeru turistas iha país, ba potensial máximu ne’ebé sustentável, ba númeru estimadu 450.000 turistas kada tinan, hodi nune’e aumenta reseitas internas. Implementa Polítika Nasional ba Turizmu, hodi asegura kresimentu ne’ebé efetivu, efisiente no sustentável husi setor turizmu. 

Finaliza no implementa planu asaun ida ne’ebé pormenorizadu ho nia medidas no asoens espesífikas tomak ba promosaun kona-ba dezenvolvimentu turizmu. Implementasaun rejime jurídiku sobre jogus, no kriasaun rejime jurídiku espesífiku kona-ba casinos. Kriasaun Marina Dili, liuhosi implementasaun Projetu “Marina Square” iha Bidau Lecidere no Projetu Frente Marítima Dili (Av. Dos Coqueiros), atu nune’e fatin iha tasi ibun sai espasu diak, lazer no diversaun ba populasaun tomak no ba turistas ne’ebé mai vizita Timor-Leste. Reabilita orla marítima (Tasi ibun) Dili, entre Avenida Portugal (Av. Dos Coqueiros) to’o iha marina Dili foun, no koopera ho Ministériu Administrasaun Estatal no Ministériu Obras Públikas hodi halo reakualifikasaun ba jardins no espasu verde iha populasaun sira inklui seluk t