Ba selebrasaun ne’ebé monu iha loron 20 fulan-agostu ne’e Institutu Jestaun Ekipamentu (IJE) hahú apoiu servisu emerjénsia hodi hadi’a estrada atubele fasilita transporte no komunidade partisipa loron importante ne’e.

Tuir informasaun ne’ebé www.tempotimor.com asesu, sesta (06/08), iha pájina ofisiál Instituto de Gestão do Equipamento (IGE) Timor-Leste katak, “Atividade servisu mak hanesan melloramentu estrada, hodi prepara ba selebrasaun loron Falintil, 20 de Agosto”.

Aliende ne’e , servisu ne’ebé hala’o husi IJE hetan orientasaun husi Ministru Obras Públika (MOP), Salvador Eugénio Soares dos Reis Pires.

Antes IJE hala'o serbisu ne'e tuur hamutuk ho lian-na’in sira tuir nafatin ritual kultura tuir lia-na’in sira Uaibitai molok  servisu.

Tanba MOP liliu IJE mantein apoiu komunidade no entidade sira hodi hadi’a estrada ne’ebé nesesariu atu utiliza ba atividade importante sira.

IJE mós sempre fó atensaun no tau prioridade ba fatin sira ne’ebé mak risku hodi hamosu inundasaun ba komunidade sira.

Informasaun ne'ebé iha, selebrasaun loron FALINTIL iha tinan 2021 ne'e Primeiru Ministru, Taur Matan Ruak mós sei ba fatin refere hodi selebra loron FALINTIL nian ne'e. (*)