Sekretáriu Jerál Asosiasaun Misaun Antigu Kombatente iha Timor-Leste, João Evangelinho dos Santos de Araujo hatete, parte AMAC agora dadauk submete ona karta no proposta ba Prezidente Repúblika (PR), Feancisco Guterres ‘Lú Olo’ no Primeiru Ministru (PM), Taur Matan Ruak inklui Ministériu Saúde (MS).
“Hahú husi ne'ebá ami mós halo karta ida, rona filafali kona-ba oinsá Covid-19 ne’e aperta duni ba ita-nia komunidade. Ami halo ona karta ka proposta ida ba Prezidente Republika no Primeiru Ministru e Ministra Saúde mós ami fó tiha ona karta ba, e iha tempu badak ami sei ba halo sosializasaun, wainhira sira bolu ona ami atu ba halo asina akordu atu tun ba baze, ami prontu, e ida ne'e mak durante ne'e ami halo”, dehan nia iha sede AMCA, seroja, Komoro, sábadu (14/08).
Tanba asosiasun misaun Antigu Kombatente ninia papel, prontu atu reforsa estadu bainhira hetan problema ne'ebé gravé.
“Tanba asosiasaun la’ós mesak, asosiasaun tur hamutuk ho doutor oan sira ne'ebé mak hakarak mai kontribui, depois Konselhu Veteranu ne'ebé mak ami halo ona akordu iha dia 12 jullu 2021, ami tur hamutuk ami halo karta ba ne'ebá responde, entaun ida ne'e papel asosiasaun wainhira situasaun rai laran ne'e la normal”, esplika nia.
Situasaun Covid-19 ne'ebé afeta ba mundu tomak liliu Timor-Leste, hanesan asosiasaun tenke hola parte fó hanoin ba aman ba nasaun hanesan Prezidente Republika inklui Primeiru Ministru nomós Ministériu Saúde sira oinsá mak buka solusaun ne'ebé mak di'ak. (*)